İstanbul Mahkemesi 56 Numaralı Sicil (H. 1201-1203 / M. 1786-1787) cilt: 80, sayfa: 245 Hüküm no: 268 Orijinal metin no: [74a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Francala Ustası Dimitri’nin Tersane-i âmire’deki kürek cezasından tahliye edildiği Mahrûse-i Galata’da vâki‘ Kaymakçı dimekle ma‘rûf francala fırını ustası hilâf-ı emr-i âlî Âsitâne’ye francala irsâl eylediğinden mâ‘adâ noksan vezn işlediğine binâ’en bâ-i‘lâm te’dîben Tersâne-i âmireye vaz‘-ı kürek olan Dimitri nâm zimmî ıslâh-ı nefs olup fîmâ ba‘d hilâf-ı emr-i âlî fırına mahsûs küfecileri sınırların tecâvüz etmeyip ve bakkâl ve manav ve kebâbçı ve helvacı dükkânlarına francala bırakmayıp ancak kendi hudûdunda tâmmü’l-vezn francalayı sûk ve mahallâtda küfecisi gezdirip hilâf-ı nizâm hareket eder ise mü’ebbeden vaz‘-ı kürek ve âlâtı cânib-i mîrîden zabt olunmak şartıyla sebîli tahliye olunmasına izin ve ruhsat verilmek re’y-i âlîlerine manûtdur. Fî 18 Muharrem sene 1203.