İstanbul Mahkemesi 56 Numaralı Sicil (H. 1201-1203 / M. 1786-1787) cilt: 80, sayfa: 259 Hüküm no: 288 Orijinal metin no: [79a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mevlid gecesi cami ve mescitlerin minarelerinde kandil yakılmasının emredildiği Ma‘rûz Mazhar-ı sitâyiş-i hitâb-ı levlâk pîrâye-mesned vemâ erselnâke olan Resûl-ı Ekrem ve Nebî-i Muhterem -sallallâhû te‘âlâ aleyhi ve sellem- efendimiz hazretlerinin müzeyyen sâz-ı nüzhet-sarâ-yı vücûd ve pir-tüvândâz âlem-şuhûd oldukları şehr-i Rebî‘ü’l-evvel’in on ikinci gecesi olduğu müttefekun aleyh olup ve işbu sene-i mübâreke-i meymenet-iştimâl-i şehr-i Rebî‘ü’l-evveli gurresi işbu yevm-i ahad olduğu bi’r-rü’ye şuhûd-ı udûl ile sâbit ve mütehakkık olmağın on ikinci leyle-i hamîs vilâdet-i hazret-i seyyidü’l-kevneyn olduğu âsâr-ı behcet-nisârı cümle-i mü’minîn ve mü’minâta i‘lân ve beyân zımnında bir de’b-i dîrîn-i devlet-i aliyye leyle-i mübâreke-i mezkûrede cevâmi‘ ve mesâcid minârâtı kanâdîl-i nûr-efşânla tezyîn olunmak içün selâtîn-i i‘zâm cevâmi‘-i şerîf kayyımlarına tenbîhi hâvî ve sudûru bâbında emr hazret-i men lehü’l-emr.