İstanbul Mahkemesi 78 Numaralı Sicil (H. 1216-1217 / M. 1801-1803) cilt: 82, sayfa: 86 Hüküm no: 29 Orijinal metin no: [4b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Halil b. Ali’nin, canbaz Osman b. Abdurrahman’dan alacağı olduğu 120 guruş edâsıyla ilzâm Ma‘rûz Canbaz tâifesinden Usturacı demekle arîf Halil b. Ali meclis-i şer‘-i hatîrde Canbaz Osman b. Abdurrahman nâm kimesne mahzarında mezbûr Osman zimmetinde cihet-i karzdan bâ-temessük iki bin beş yüz guruş alacağım olmağla meblağ-ı mezkûrun bin üç yüz seksen guruşunu zahr-ı temessük nâtık olduğu üzere bana edâ etmekle bâkīsi olan bin yüz yirmi guruşu mezbûr Osman’dan hâlâ taleb ederim deyü da‘vâ ettikde ol dahi cevâbında temessük-ı mezkûr kendinin olup müdde‘î-i merkūma ol mikdâr guruş deyni olduğunu ikrâr u i‘tirâf etmekle alâ-mûceb-i i‘tirâfihî meblağ-ı bâkī-i mezkûr bin yüz yirmi guruşu müdde‘î-i merkūm Halil’e edâsıyla mezbûr Osman ilzâm olunduğu İstanbul Mahkemesi’nden huzûr-ı âlîlerine i‘lâm olundu. Fî-25 min-Şa‘ban sene [1]216