İstanbul Mahkemesi 78 Numaralı Sicil (H. 1216-1217 / M. 1801-1803) cilt: 82, sayfa: 101 Hüküm no: 52 Orijinal metin no: [7b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Yako v. Yorgi’nin, Mehmed Sâdık Efendi’de olan alacağını taksitlendirdiği 593 [guru]ş te’cîl Ma‘rûz Tüccâr kalfalarından arzuhâlde mastûr Kiryako v. Yorgi meclis-i şer‘-i münîrde sâhib-i arzuhâl el-Hâc Mehmed Sâdık Efendi b. eş-Şeyh Yakub Efendi mahzarında merkūm el-Hâc Mehmed Sâdık Efendi zimmetinde işbu yedimde olan bir kıt‘a keşif defteri nâtık olduğu üzere Hasköy’de vâki‘ mutasarrıf olduğu Yahûdhânesi binâsına bi-şartü’r-rücû‘ emriyle masrûfum olan dört bin sekiz yüz yirmi altı guruşdan bâkī dokuz yüz doksan üç guruş alacağım olmağla meblağ-ı bâkī-i mezkûru hâlâ taleb ederim deyü da‘vâ eylediğimde ol dahi cevâbında ber-mantûk-ı defter-i keşif meblağ-ı bâkī-i mezkûr bana deyni olduğunu ikrâr lâkin def‘aten edâya iktidârım yokdur deyü istimhâl eylediğinde ben dahi meblağ-ı mezkûrun dört yüz guruşunu târih-i i‘lâmdan üç gün mürûrunda ve bâkī beş yüz doksan üç guruşunu beher mâh bana yüzer guruş vermekle târih-i mezkûrdan beş ay yirmi sekiz gün hitâmında tamamen bana edâ etmek üzere tecil ve taksît eylediğimde ol dahi kabûl ve meblağ-ı bâkī-i mezkûru ber-vech-i muharrer müeccelen ve muksitan edâya ta‘ahhüd eyledi deyü takrîrini merkūm el-Hâc Mehmed Sâdık Efendi tasdîk eylediği İslâmbol Mahkemesi’nden huzûr-ı âlîlerine i‘lâm olundu. Fî-17 min-Ramazan sene [1]216