İstanbul Mahkemesi 78 Numaralı Sicil (H. 1216-1217 / M. 1801-1803) cilt: 82, sayfa: 104 Hüküm no: 56 Orijinal metin no: [8a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Yoseb v. Cercu’nun, Tabib Begos v. Anton’a olan borcunu ödemesi gerektiği 235 guruş hüküm Ma‘rûz Tabib Begos v. Anton zimmî meclis-i şer‘-i münîrde sâbıkā kalfası Yoseb v. Cercu nâm zimmî muvâcehesinde mersûm Yoseb zimmî zimmetinde cihet-i karzdan üç yüz guruş alacağım olup meblağ-ı mezkûrun altmış beş guruşunu bundan akdem bana edâ etmekle bâkīsi olan iki yüz otuz beş guruşu mersûm Yoseb zimmîden hâlâ taleb ederim deyü da‘vâ ettikde ol dahi cevâbında müdde‘î-i mersûmun ber-vech-i muharrer müdde‘âsını bi-tamâmihî ikrâr u i‘tirâf etmekle mûcebince meblağ-ı bâkī-i mezkûr iki yüz otuz beş guruşu müdde‘î-i mersûm Begos zimmîye edâ ve teslîme mersûm Yoseb zimmîye tenbîh olunduğu İslâmbol Mahkemesi’nden huzûr-ı âlîlerine i‘lâm olundu. Fî-11 min-Şa‘ban sene [1]216