İstanbul Mahkemesi 78 Numaralı Sicil (H. 1216-1217 / M. 1801-1803) cilt: 82, sayfa: 104 Hüküm no: 55 Orijinal metin no: [8a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Osman Ağa’nın, Kasber Anton v. Bedros’a olan borcunu ödemesi gerektiği 3263,5 guruş hüküm Ma‘rûz Kasber Anton v. Bedros meclis-i şer‘-i münîrde sâbıkā şerbetçiler kethüdâsı Osman Ağa b. Ali mahzarında merkūm Osman Ağa zimmetinde semen-i mebî‘den bâkī üç bin iki yüz altmış üç buçuk guruş alacağım olmağla hâlâ taleb ederim deyü da‘vâ ettikde ol dahi cevâbında müdde‘î-i mersûmun ber-vech-i muharrer müdde‘âsını bi-tamâmihî ikrâr u i‘tirâf etmeğin mûcebiyle meblağ-ı bâkī-i mezkûr üç bin iki yüz altmış üç buçuk guruşu müdde‘î-i mesfûr Kasber zimmîye edâ ve teslîme merkūm Osman Ağa’ya tenbîh olunduğu İslâmbol Mahkemesi’nden huzûr-ı âlîlerine i‘lâm olundu. Fî-25 min-Ramazan sene [1]216