İstanbul Mahkemesi 78 Numaralı Sicil (H. 1216-1217 / M. 1801-1803) cilt: 82, sayfa: 115 Hüküm no: 73 Orijinal metin no: [10a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Vasiliko bt. Saturi’nin eşi Yorgi v. Andez’in evine dönmesi gerektiği Hukūk-ı zevciyete murâ‘âtına tenbîh Ma‘rûz Arzuhâl eden Yorgi v. Andez zimmî meclis-i şer‘-i münîrde hâlâ zevcesi arzuhâlde mastûr mu‘arrefetü’ş-şahs Vasiliko bt. Saturi nâm Nasrâniyye muvâcehesinde mersûme Vasiliko Nasrâniye âyîn-i âtı‘lâmız üzere zevce-i medhûlün-bihâm iken menzilimden firâr ve nâşizet işbu hâzıra bi’l-meclis anası Fotini Nasrâniyenin menzilinde mütemekkine olmağla suâl olunup menzilime gelip hukūk-ı zevciyete murâatına tenbîh olunması murâdımdır deyü da‘vâ ettikde ol dahi cevâbında müdde‘î-i mersûm Yorgi zimmî zevci olduğunu ikrâr u i‘tirâf etmekle mûcebiyle zevci mersûmun menziline varıp hukūk-ı zevciyete mürâ‘at etmek üzere mesfûre Vasiliko Nasrâniyye’ye tenbîh olunduğu İslâmbol Mahkemesi’nden huzûr-ı âlîlerine i‘lâm olundu. Fî-15 min-Şevvâl sene [1]216