Adalar Mahkemesi 1 Numaralı Sicil (H. 1178-1184 / M. 1764-1771) cilt: 75, sayfa: 49 Hüküm no: 30 Orijinal metin no: [6b-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Maltepe ve tevabii mukataasının Ali Ağa’ya iltizam olunduğu Vech-i tahrîr-i hurûf oldur ki Bâ-berat-ı âlîşân mâlikâne mutasarrıf olduğum Haremeyn-i şerîfeyne tâbi‘ Maldepe ve tevâbi‘i mukāta‘asını işbu bin yüz yetmiş sekiz senesi Martı ibtidâsından Şubat’ı gāyetine varınca bir sene-i kâmile zabt eylemek üzere hâfizü’l-vesîka kıdvetü’l-emâsil ve’l-akrân izzetlü Ali Ağa -zîde kadruhû-ya sene-i sâbıkā üzere tefvîz ve ilzâm olunup mûmâ-ileyh dahi ber-vech-i muharrer der-uhde ve iltizâm ve kabûl etmekle sinîn-i sâbıkāda olageldiği ve mu‘tâd-ı kadîm üzere vâki‘ â‘şâr-ı şer‘iye ve rüsûmât-ı örfiye ve tapu-yı zemîn ve yava ve kaçgun ve beytülmal-ı âmme ve hâssa ve bâd-ı havâ ve sâir cüz’î ve küllî âidât ve hâsılâtı her ne ise zabt u rabt edüp tarafımızdan ve taraf-ı âhardan vechen[mine’l-vücûh] müdâhale ve mümâna‘at olunmaması’çün işbu zabıtnâme tahrîr ve i‘tâ olundu. Fi’t-târîhi’l-mezbûr Bende Mustafa Mutasarrıf-ı mukāta‘a-i mezbûre