İstanbul Mahkemesi 78 Numaralı Sicil (H. 1216-1217 / M. 1801-1803) cilt: 82, sayfa: 404 Hüküm no: 471 Orijinal metin no: [68b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hatice bt. Süleyman’ın, kendisini merdivenden aşağı iterek çocuğunu düşürmesine sebep olan Şerife Fâtıma bt. İbrahim’den davacı olması Mazbatadan derkenâr Ma‘rûz Derûn-ı arzuhâlde mezkûratü’l-ism mu‘arrefetü’z-zât Hatice bt. Süleyman nâm Hatun hâlâ zevci Osman b. Ebûbekir hâzır olduğu hâlde Çarşamba günü dîvân-ı âlide ma‘kūd meclis-i şer‘-i enverde sâhibe-i arzuhâl kezâlik mu‘arrefetü’z-zât Şerîfe Fâtıma bt. İbrahim nâm hatun muvâcehesinde târih-i i‘lâmdan bir hafta mukaddem mezbûre Şerîfe Fâtıma Hatun müsteciren sâkine olduğum menzilinde nerdübân başında depme ile bana darb ve nerdübân-ı mezkûrdan aşağı düşürüp ol gece darb-ı mezkûrdan nâşî zevcim mezbûr Osman’nın firâşından hâsıl beş aylık müstebînü’l-hilka bir cenîn-i meyyit ilkā etmemle mûceb-i şer‘îsini zevcim hâzır-ı mezbûr Osman ile ma‘an taleb ederiz deyü ma‘an da‘vâ ettiklerinde ol dahi cevâbında inkâr etmekle müdde‘iye-i mezbûre Hatice Hatun ber-vech-i muharrer müdde‘âsını isbât için beyâna havâle olundukda ancak şâhidlerim nisâdır deyü isbâtdan ızhâr-ı acz edip tarefeyn bir dahi zuhûr etmemeleriyle henüz da‘vâlarına faysal verilmediği mazbût olmağın imtisâlen li’l-emri’l-âli sûret-i da‘vâları İstanbul Mahkemesi’nden huzûr-ı âlîlerine i‘lâm olundu. Fî-26 min C sene [1]217