İstanbul Mahkemesi 78 Numaralı Sicil (H. 1216-1217 / M. 1801-1803) cilt: 82, sayfa: 454 Hüküm no: 529 Orijinal metin no: [78a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Receb Ağa’nın, Angeli v. Hristo aleyhine açtığı alacak davasında iddiasını ispat edemediğinden muarazadan men edildiği 84,5 guruş mu‘ârazadan men‘ Ma‘rûz Derûn-ı arzuhâlde mezkûrü’l-ism sâbıkā Enderûn-ı Hümâyûn isfenahçıbaşısı Receb Ağa meclis-i şer‘-i münîrde arzuhâl eden Angeli v. Hristo zimmî muvâcehesinde mersûm Angeli zimmî <> târih-i i‘lâmdan bir buçuk sene mukaddem beynimizde ma‘lûm cizye evrâkı husûsunun temşiyeti için malımdan bi-gayr-ı hakkın yüz seksen dört buçuk guruşumu ahz etmekle istirdâd murâdımdır deyü da‘vâ ve mesfûr Angeli dahi külliyen inkâr edip müdde‘î-i mezbûr Receb Ağa ber-vech-i muharrer müdde‘âsına ikāmet-i beyyine edemeyip talebiyle mersûm Angeli vech-i şer‘î üzere tahlîf olunmağın mûcebince müdde‘î-i merkūm da‘vâ-yı mezkûresiyle zimmî-i mesfûra bilâ-beyyine mu‘ârazadan men‘ olunduğu huzûr-ı âlîlerine i‘lâm olundu. Fî-23 min Ş sene [1]217