İstanbul Mahkemesi 94 Numaralı Sicil (H. 1222-1223 / M. 1807-1809) cilt: 85, sayfa: 201 Hüküm no: 165 Orijinal metin no: [21a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. 1223 senesi cizye bohçasının Perşembe günü ikindiden sonra açılması Cizye küşâdı Ma‘rûz İşbu sene-i cedîde-i mübâreke bin iki yüz yirmi üç senesi Muharremi’l-harâmı gurresi tekmîl-i selâsîn ile yevmü’l-ahad i‘tibâr olunup Âsitâne-i sa‘âdet Cizyedârı Mahmud Nedim bendelerinin Bâb-ı âlîye takdîm eylediği arzuhâli bâlâsına istid‘â olunduğu üzere “Perşembe günü ba‘de’l-asr küşâdını ruhsat i‘tâsıyla tanzîm eyleyesiz” deyü bu dâ‘îlerine hitâben sâdır olan fermân-ı âlî-şâna imtisâlen işbu târih-i i‘lâm günü ba‘de’l-asr cizye bohçasının mîrî mühürlerine ba‘de’n-nazar fek ve küşâd olunduğu İstanbul Mahkemesi’nden huzûr-ı [âlîlerine i‘lâm olundu.] Fî 28 Z sene 1222.