İstanbul Mahkemesi 94 Numaralı Sicil (H. 1222-1223 / M. 1807-1809) cilt: 85, sayfa: 256 Hüküm no: 225 Orijinal metin no: [29b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Çerçici esnafı kethudası Mehmed ve sairlerinin Molla Feyzullah’ın esnaflıktan çıkarılmasını istedikleri Hurde-furûş esnâfından ihrâç Ma‘rûz Âsitâne-i aliyye’de vâki‘ hurde-furûş esnâfının kethudâsı Mehmed b. Ahmed ve Yiğitbaşı Salih b. Mehmed ve el-Hâc Mustafa ve es-Seyyid Mehmed ve Mustafa ve es-Seyyid Osman ve İsmail ve İbrahim ve diğer Mustafa ve Mehmed beşe ve diğer Mehmed Beşe ve Ali Beşe ve âhar Mehmed Beşe ve diğer Mehmed Beşe ve sâirleri meclis-i şer‘-i münîrde esnâf-ı mezbûreden Molla Feyzullah b. Hüseyin nâm kimesne mahzarında mezbûr Molla Feyzullah esnâfımızdan olup lâkin kendi hâlinde ırzıyla mukayyed olmayıp şurût-ı nizâmımızın mugāyiri harekât-ı nâ-marzıyeye ictisâr eylediğinden mâ‘adâ esnâfımızın kethudâ ve hüsn ü ihtiyârlarına şurût-ı nizâm-ı kadîmemiz üzere itâ‘at ve inkıyâd etmediğine binâen mezbûr bi’d-defa‘ât nush u bend eylediğimizde aslâ mütenassıh olmayıp nizâm-ı kadîmemizin hilâfı harekâtda ısrâr etmekle mezbûrdan bir dürlü emn ü rahatımız meslûb olmuşdur deyü muvâcehesinde teşekkî ve esnâf-ı merkūmeden ihrâç olunması matlûbumuzdur deyü istirhâm ve istid‘â eyledikleri İstanbul Mahkemesi’nden huzûr-ı [âlîlerine i‘lâm olundu.] Fî 13 S sene 1223.