İstanbul Mahkemesi 94 Numaralı Sicil (H. 1222-1223 / M. 1807-1809) cilt: 85, sayfa: 489 Hüküm no: 477 Orijinal metin no: [69b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Sarraf Paskal’ın borç verdiği Dimitri Poli’den yedi bin beş yüz kuruş alacağı olduğu 7.500 guruş hüküm Ma‘rûz İstanbul’da Yeni Han’da mütemekkin sarrâf tâifesinden sâhib-i arzuhâl Paskal v. Yovan nâm zimmî meclis-i şer‘-i hatîrde derûn-ı arzuhâlde mastûrü’l-ism tüccârdan Dimitri Poli v. Manol nâm zimmî muvâcehesinde mersûm Dimitri zimmî zimmetinde üç kıt‘a Rumiyyü’l-ibâre temessük mantûklarınca cihet-i karzdan cem‘an dokuz bin beş yüz guruşdan bâkī yedi bin beş yüz guruş alacak hakkım olmağla meblağ-ı bâkī-i mezkûru zimmî-i mesfûrdan hâlâ taleb ederim deyü da‘vâ etdikde ol dahi cevâbında kaziyye minvâl-i meşrûh üzere olduğunu bi-tamamihâ ikrâr ve i‘tirâf etmeğin alâ-mûcibi i‘tirâfihî meblağ-ı bâkī-i mezkûr yedi bin beş yüz guruşun müdde‘î sarrâf-ı mesfûra edâsıyla mersûm Dimitri zimmî ilzâm olunduğu İstanbul Mahkemesi’nden huzûr. Fî 19 Receb sene [1]223.