İstanbul Mahkemesi 94 Numaralı Sicil (H. 1222-1223 / M. 1807-1809) cilt: 85, sayfa: 567 Hüküm no: 563 Orijinal metin no: [81b-6] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mehmed Emin Ağa’nın altı yüz altmış bir buçuk kuruş alacağı olduğu iddiasıyla Kosti v. Nikola aleyhine açtığı davada iddiasını ispat edemediği 661,5 guruş men‘ Ma‘rûz Müteveffâ Silahdâr İbrahim Paşazâde Mehmed Bey’in hayatında vekîl-i harcı sâhib-i arzuhâl Mehmed Emin Ağa b. İsmail meclis-i şer‘-i münîrde derûn-ı arzuhâlde merkūmü’l-ism kasab tâifesinden Kosti v. Nikola nâm zimmî muvâcehesinde bin iki yüz yirmi senesi Zilka‘detü’ş-şerîfe’sinde mesfûr Kosti zimmî malımdan ve yedimden iktirâz ve kabz eylediği altı yüz altmış bir buçuk guruş zimmetinde alacağım olmağla hâlâ taleb ederim deyü ba‘de’d-da‘vâ ve’l-inkâr müdde‘î-i mezbûr ber-vech-i muharrer müdde‘âsına ikāmet-i beyyineden izhâr-ı acz ve talebiyle mesfûr Kosti zimmîye vech-i şer‘î üzere yemîn verilmeğin mûcebince müdde‘î-i merkūm da‘vâ-yı mezkûresiyle mesfûr Kosti zimmîye bilâ-beyyine mu‘ârazadan men‘ olunduğu İstanbul Mahkemesi’nden huzûr. Fî 16 Ş sene [1]223.