İstanbul Mahkemesi 97 Numaralı Sicil (H.1217-1225 / M. 1802-1810) cilt: 83, sayfa: 134 Hüküm no: 65 Orijinal metin no: [23a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hâlen İstanbul’da bulunan bazı gemilerin, odun sıkıntısının giderilmesi için odun getirmek üzere bir seferliğine Karadeniz’in Rumeli tarafına sevk edilmeleri Bâ-sah. Gümrük Emîni Ağa Hatab nakliyle me’lûf olan sefâinin kılleti takrîbiyle ibâdullâhın hatab husûsunda muzâyakaları müstağnî-i ta‘rîf olduğuna binâen İzmir ve Çeşme ve sâir adaların ancak lefke ve volik ve çırnık sefîneleri ve Bahr-i Sefîd Boğazı’ndan Âsitâne’ye gelinceye kadar sevâhil sefîneleri, Âsitâne-i aliyyeye geldiklerinde birer sefer Bahr-i Siyah’ın Rumeli tarafından hatab getirmeleri için ol cânibe sevk ve irsâl olundukları sûretde muzâyaka-i mezkûrenin indifâ‘ına medâr-ı küllî olacağı âşikâr olmağla imdi zikrolunan mahallerden tevârüd edip el-yevm Der-aliyye’de bulunan ve bundan sonra vürûd eden sefâin-i mezkûrenin Bahr-i Siyah cânibine azîmetleri husûsunu rüesâ-yı sefâine tenbîh ve te’kîde ikdâm ve dikkat ve bu bâbda tereddüd ve muhâlefet eder olur ise tedîbleri icrâsı için der-akab ism ü resmleriyle keyfiyetlerin huzûrumuza bâ-takrîr ifâdeye mübâderet ve hilâf-ı emir ve rızâ hareket vukū‘unu tecvîzden be-gāyet tehâşî ve mücânebet eyleyesin deyü buyruldu. Fî 22 S [Safer] sene [12]19