İstanbul Mahkemesi 97 Numaralı Sicil (H.1217-1225 / M. 1802-1810) cilt: 83, sayfa: 170 Hüküm no: 88 Orijinal metin no: [34b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kömürü, taahhüt edilen fiyattan fazlaya satanların cezalandırılacağı İstanbul Kādısı İzzetlü, Fazîletlü Efendi Hazretleri Esnâf-ı mezbûrenin işbu ta‘ahhüdleri i‘lâmlarından müstebân olup ancak gerek işbu kömür ve gerek sâir kömürcülerin bey‘ edeceği bi’l-cümle kömürlerin bu târihden sene-i âtiye rûz-ı hızırına kadar beher vakıyyesi beşer akçeye füruhta cümle esnâf etrâfıyla ta‘ahhüd birle müddet-i merkūmede hilâf-ı ta‘ahhüd her kim hareket eder ise ve bir akçe ziyâdeye bey‘ eyler ise küreğe ve kal‘aya vaz‘ı tedîbiyle iktifâ olunmayıp tertîb-i cezâ olunacağını tekrar kendilere tefhîm eyleyip ol vechile ta‘ahhüd-i kavîlerini i‘lâm eyleyeler deyü buyruldu. Fî 28 Z sene [12]19 İ‘lâm-ı merkūm i‘lâm sicilline kaydolunmuşdur.