İstanbul Mahkemesi 97 Numaralı Sicil (H.1217-1225 / M. 1802-1810) cilt: 83, sayfa: 202 Hüküm no: 109 Orijinal metin no: [47b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. İstanbul’a gelen peynirin kapanda kayıt altına alınıp bakkallara dağıtılması Peynir fermânı. Bâ-sahh-ı âlî. İstanbul Kādısı Fazîletlü Efendi Bi-hamdillâhi te‘âlâ erzâk-ı lâzımeden olan peynir her tarafdan tevârüdde olduğundan çarşılarda teksîri iktizâ-yı hâlden iken muhtekir makūlesi iskelelerde ekserini iştirâ ve birer mahâlde ihfâ ile ziyâde bahâya dilediklerine bey‘ ve i‘tâ etmekde oldukları tahkīk olunmağla imdi bu hâlet ber-taraf olmak için fîmâ-ba‘d vürûd eden peynirler evvelâ kapana idhâl ve tarafımıza ilmühaberi irsâl olundukdan sonra pazarbaşı ma‘rifetiyle râyici üzere bakkāllara tevzî‘ ve ibâdullâha füruht ettirilmesi esbâbının istihsâline himmet eyleyesiz deyü buyruldu. Fî 12 N sene [1]220