İstanbul Mahkemesi 97 Numaralı Sicil (H.1217-1225 / M. 1802-1810) cilt: 83, sayfa: 203 Hüküm no: 112 Orijinal metin no: [48a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Sefer için ekmekçi çadırı talebi Ser‘asker ordusuna ekmekci çadırı ihrâcı bâbında. Bâ-sah. İstanbul Kādısı Fazîletlü Efendi Hazretleri Hâlâ Rumeli Vâlîsi ve bi’l-istiklâl Ser‘askeri Vezîr-i mükerrem sa‘âdetlü İbrahim Paşa hazretleri evvel-bahârda Sırp usâtı üzerine hareket edecek olduklarından ordu-yı Ser‘asker[î]lerinde ekmekci çadırının lüzûmu olduğuna binâen ordu-yı müşârün-ileyhe sekiz aded ekmekci çadırı tertîb ve irsâl olunması husûsuna irâde-i seniyye müte‘allik olarak husûs-ı mezkûr izzetlü Defterdâr Efendi’ye bâ-fermân-ı âlî tenbîh olunmuş olmağla imdi Efendi-i mûmâ-ileyh ile bi’l-müzâkere ordu-yı müşârün-ileyhde mevcûd bulunmak için sâlifü’z-zikr sekiz aded ekmekci çadırı neferâtının tertîb ve irsâli husûsunun iktizâ-yı nizâmına mübâderet eyleyesiz deyü buyruldu. Fî 23 Za sene 1220