İstanbul Mahkemesi 97 Numaralı Sicil (H.1217-1225 / M. 1802-1810) cilt: 83, sayfa: 424 Hüküm no: 304 Orijinal metin no: [115b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kahvenin ve koyun etinin, narhtan daha yüksek fiyata satılmaması Kahve ve lahm-ı ganem fermânı. Bâ-sah. İstanbul Kādısı İzzetlü, Fazîletlü Efendi Hazretleri Kahve ve lahm-ı ganem bugünkü güne gelince[ye] kadar narh-ı cârîsi üzere füruht olunur iken kahvenin yirmi beş dirhemi otuz paraya ve lahmın bir kıyyesi otuz paraya füruht olunduğu bugün tahkīk olunup ızrâr-ı ibâdı mûcib ve ihtilâl-i nizâmı müstevcib olduğundan eşyâ-yı merkūmenin narh-ı cârîsinden bir para ziyâdeye füruhtuna rızâ ve cevâz olmamağla imdi esnâf-ı merkūmeden lâzımü’l-huzûr olanları nezdinize celb birle eşyâ-yı merkūmeyi narh-ı cârîsinden bir para ziyâdeye satmamalarını ve hilâf-ı fermân harekete cesâret ederi olur ise alâ-eyyi hâlin tedîb kılınacaklarını gereği gibi ifâde ve tenbîhe mübâderet ve cenâbınız dahi bundan böyle nezârete mübâşeret eyleyesiz deyü. Fî 5 L. sene [12]23