İstanbul Mahkemesi 97 Numaralı Sicil (H.1217-1225 / M. 1802-1810) cilt: 83, sayfa: 423 Hüküm no: 303 Orijinal metin no: [115b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. İstanbul’da çerviş yağı narhının 70, don yağı narhının 48 para olarak belirlendiği 70 paraya çerviş ve 48 para[ya] don yağı narhı emri. Bâ-sah. İstanbul Kādısı İzzetlü, Fazîletlü Efendi Hazretleri Revgan-ı sâde ve çervişin Silistre’de fiyâtı kat‘ olunmak üzere bundan akdem emr-i şerîf gönderilmiş idi. El-hâletü-hâzihî mahâllinde yağın fiyâtı kırkar paraya kat‘ olunup haberi gelmekle navl-ı sefîne ve masârifât-ı sâiresiyle tüccârın kârı zammolunarak çervişin kıyyesi yetmişer ve don yağının kırk sekizer paraya bey‘ u füruht olunduğu sûretde tüccâr zarar çekmeyip ziyâde yağ dahi celbe ibtidâr edeceklerini ifâde ve ta‘ahhüd etmiş olmalarıyla Kapan tüccârlarını celb ile ber-vech-i muharrer yetmişer paraya çerviş ve kırk sekizer paraya don yağını füruht etmelerini tenbîhe ve ziyâde yağ celb etmeyip ibâdullâha muzâyaka çektirirler ise vebâlleri boyunlarına tertîb-i cezâ olunacaklarını tefhîme mübâderet ve fiyât-ı mezkûreyi sicille kayd ile ziyâdeye sattırılmaması husûsuna nezâret ve dikkat eyleyeler deyü. Fî 26 N sene [12]23