İstanbul Mahkemesi 97 Numaralı Sicil (H.1217-1225 / M. 1802-1810) cilt: 83, sayfa: 455 Hüküm no: 336 Orijinal metin no: [123a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kesilen kuzuların baş ve ciğerlerinin çıkarılıp ahaliye öylece satılması; bunların kuzu ile birlikte satılmaması Kuzunun baş ve ciğeri tefrîk emri. Bâ-sah. İstanbul Kādısı Fazîletlü Efendi Bi-hamdihî te‘âlâ işbu sene-i mübârekede fasl-ı bahâr vakt ü zamanıyla nümûdâr olup feyz ve bereket âsârı zâhir ve bedîdâr olduğundan kuzunun kesret ve bereketi âşikâr olmağla baş ve ciğerinin şimdiye kadar ihrâc ve tefrîkı lâzımeden iken henüz ihrâc ve tefrîk olunmayıp bu keyfiyet ibâdullâhın ızrârını mûcib olmağla rûz-ı hızır duhûl edeli on beş güne karîb olduğundan fîmâ-ba‘d zebh olunan kuzuların baş ve ciğeri ihrâc olunup ibâdullâha öylece füruht olunmasını tarafınızdan bi’l-cümle kasab ustaları ve yiğitbaşılarına gereği gibi tenbîh ve te’kîde ve fîmâ-ba‘d baş ve ciğeriyle kuzu füruht olunmakdan men‘ ve tahzîre mübâderet eyleyesiz deyü. Fî 4 R sene [12]24