İstanbul Mahkemesi 97 Numaralı Sicil (H.1217-1225 / M. 1802-1810) cilt: 83, sayfa: 504 Hüküm no: 372 Orijinal metin no: [135a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Çörekçi esnafının peksimet imal edemeyeceği Peksimad tabh olunmaması. Bâ-sah. İstanbul Kādısı Fazîletlü Efendi Kapan-ı Dakīk’a tevârüd eden dakīk-ı hâsdan ve gerek değirmenlerden çörekci esnâfının iştirâ eyledikleri dakīkdan Âsitâne-i aliyye sekenesi için ancak çörek ve simid ve börek tabh ve i‘mâli lâzımeden iken esnâf-ı mezkûre aldıkları dakīk-ı hâs ile peksimed tabh ve sefâine ve mah[â]ll-i sâireye bey‘ eyledikleri mesmû‘ olup bu keyfiyet külliyen rızâ-yı âlînin mugāyiri olmağla imdi fîmâ-ba‘d esnâf-ı mezkûr peksimed tabh ve i‘mâl eylememeleri husûsunu iktizâ edenlere muhkem tenbîh ve te’kîde himmet ve eğer mütenebbih olmazlar ise tedîbât-ı lâyıkalarının icrâsında dakīka fevt olunmayacağını gûş u hûşlarına ilkāya mübâderet eyleyesiz deyü. Fî 16 Za sene [1]224