İstanbul Mahkemesi 97 Numaralı Sicil (H.1217-1225 / M. 1802-1810) cilt: 83, sayfa: 503 Hüküm no: 371 Orijinal metin no: [134b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Halkın ihtiyacı olan erzak ve eşyanın yeni belirlenen fiyatlarının yazılı olduğu defterin Padişah’ın onayından geçtiği uymayanların cezalandırılacağı. Fiyât husûsuna dâir emir. Bâ-sah. İstanbul Kādısı Fazîletlü Efendi İbâdu’llâhın havâic-i zarûriyelerinden olan me’kûlât ve akmişe ve emti‘a-i sâireye vaz‘ olunan fiyât defteri Rikâb-ı müstetâb-ı mülûkâneye arz olundukda “Ber-mûceb-i defter bey‘ u şirâlarına dikkat ve ihtimâm olunsun. Sırren ve alenen ziyâdeye cesâret eder olur ise ibreten li’s-sâirîn tertîb-i cezâ olacakları tekrar tefhîm oluna” deyü hatt-ı hümâyûn-ı şevket-makrûn şeref-yâfte-i sudûr olmağla imdi ber-mantûk-ı hatt-ı hümâyûn fîmâ-ba‘d ziyâdeye füruht olunmaması ve nizâm-ı mezkûrun istikrârı husûsuna ikdâm ve dikkat ve mugāyir-i ta‘ahhüd hareketleri zuhûr eder ise nass-ı kātı‘a-i şâhânenin icrâsına ibtidâr olunacağını tekrar cümleye tefhîme mübâderet eyleyesiz deyü. Fî 8 Za sene [1]224