İstanbul Mahkemesi 97 Numaralı Sicil (H.1217-1225 / M. 1802-1810) cilt: 83, sayfa: 544 Hüküm no: 407 Orijinal metin no: [145a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Darphane tarafından sikke-i cihadiye adı altında çıkarılan 8, 4, 2 ve 1’er dirhemlik sikkelerin fiyatları Sikke buyruldusu. Sah. İstanbul Kādısı Fazîletlü Efendi Mukaddemâ ikilik ve yüzlük ihtirâ‘ ve kat‘ olunduğu misillü bu def‘a dahi sekiz dirhemi beş guruşa ve dört dirhemi yüz paraya ve iki dirhemi elli paraya ve bir dirhemi yirmi beş paraya râyic olmak üzere Darbhâne-i âmirede sikke-i cihâdiye nâmıyla sikkeler ihtirâ‘ ve kat‘ olunduğu sûretde hem teshîl-i mu‘âmelâtı mûcib ve hem taşraya hazâin irsâlinde sühûleti müstevcib olduğuna binâen ol vechile sikkeler ihtirâ‘ ve kat‘ına irâde-i seniyye müte‘allik olmakdan nâşî bu vechile dört nevi‘ sikke ihtirâ‘ birle Darbhâne-i âmirede kat‘ına mübâşeret olunmağla imdi zikrolunan sekiz dirhemlik beş guruşa ve dört dirhemlik yüz paraya ve iki dirhemlik elli paraya ve bir dirhemlik yirmi beş paraya râyic olarak ahz ü i‘tâ olunması husûsunu eimme-i mahallâta ve esnâf kethudâlarına ifâde ve tenbîhe mübâderet eyleyesiz deyü. Fî-gurreti C sene 1225