İstanbul Mahkemesi 137 Numaralı Sicil (H.1236-1238 / M 1821-1822) cilt: 86, sayfa: 67 Hüküm no: 19 Orijinal metin no: [4b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mehmed b. Salih’in, Hâfız Hasan b. Ali’ye olan borcunun tecil edildiği 450 guruş sefîne semeni hükmü Ma‘rûz[-ı dâ‘î-i devlet-i aliyyeleridir ki] Sâhib-i arzuhâl Hâfız Hasan b. Ali meclis-i şer‘-i münîrde arzuhâlde mezkûrü’l-ism el-Hâc Mehmed b. el-Hâc Salih muvâcehesinde Odunkapısı iskelesinde merbût çatal kıçlı şayka tâ‘bir olunur mükemmel âlâtlı bir kıt‘a sefînenin kırk sehm i‘tibâriyle beş sehm hisse-i şâyi‘ası benim ve yirmi hisse-i şâyi‘ası merkūm el-Hâc Mehmed’in ve on beş sehm hisse-i şâyi‘ası el-Hâc Ömer ve Mehmed’in iştirâken yedimizde mâlımız olmağla ben işbu târih-i i‘lâmdan on gün mukaddem sefîne-i mezkûre ile derûnunda mevcûde olup beynimizde ma‘lûm olan âlâtından ber-i‘tibâr-ı mezkûr mâlik olduğum beş sehm hisse-i şâyi‘a-i mezkûremi sekiz yüz elli guruş semen tesmiyesiyle müşterikim merkūm el-Hâc Mehmed’e bey‘ ve lâyıkıyla teslîm eylediğimde ol dahi yedimden iştirâ ve temellük ve tesellüm ve kabûl ve semen-i merkūmun yüz altmış beş guruşunu merkūm el-Hâc Mehmed’e tahta semeninden zimmetinde deynim olan yüz altmış beş guruşa takāsen istîfâ edüp bâki-i merkūmun zimmetinde altı yüz seksen beş guruş alacağım olmağla merkūm el-Hâc Mehmed meblağ-ı bâkī-i mezbûr altı yüz seksen beş guruşun iki yüz otuz beş guruşunu üç gün mürûrunda ve mâ‘adâ dört yüz elli guruşunu işbu târih-i i‘lâmdan otuz bir gün mürûrunda def‘aten bana edâ etmek üzere istimhâl etmekle ben dahi bu vechile imhâl ve te’cîl eyledim dediğini merkūm el-Hâc Mehmed Ağa tasdîk eylediği İstanbul Mahkemesi’nden huzûr-ı âlîlerine i‘lâm olundu. El-emru li-men lehü’l-emr. Fi’l-yevmi’r-râbi‘ min-Zilka‘deti’ş-şerîfe li-sene sitte ve selâsin [ve] mi’eteyn ve elf.