İstanbul Mahkemesi 137 Numaralı Sicil (H.1236-1238 / M 1821-1822) cilt: 86, sayfa: 79 Hüküm no: 34 Orijinal metin no: [8a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Nakkaş Hüseyin Ağa b. Mehmed’in alacak davasında Dellâl Yako v. Yasef ile sulh olduğu Nakkāşın Yahûdi ile sulhü 130 guruş Ma‘rûz[-ı dâ‘i-i devlet-i aliyyeleridir ki] Sâhib-i arzuhâl Nakkāş Hüseyin Ağa b. Mehmed meclis-i şer‘-i münîrde arzuhâlde mastûrü’l-ism Dellâl Yako v. Yasef Yahûdi muvâcehesinde mersûm Yako Yahûdi işbu târih-i i‘lâmdan bir sene mukaddem İstanbul’da Balat iskelesinde taşçılar içinde vâki‘ menzilimin üç oda ve bir sofasını kendi boyan ile nakş eyle sana iki yüz altı guruş ücret vereyim deyip ben dahi râzı olup kendi boyamla nakş edüp ve nakşımın yevm-i idhâlde olan kıymetde ecr-i mislim meblağ-ı mezkûr iki yüz altı guruşa mu‘âdil olmağla meblağ-ı mezbûru Yahûdi-i mersûmdan taleb ederim deyü tasaddî eylediğim da‘vâmdan mesfûr Yako Yahûdi ile an inkâr dört yüz otuz guruş bedel-i makbûza sulh olup ziyâdesine ve bi’l-cümle husûs-ı mezkûra müte‘allika âmme-i da‘vâdan her birimiz âharın zimmetini kabûlü hâvî ibrâ ve iskāt [eyledim] dediğini mesfûr Yako Yahûdi tasdîk eylediği İstanbul Mahkemesi’nden huzûr [-ı âlîlerine i‘lâm olundu.] Fî 14 Za sene 1236