İstanbul Mahkemesi 137 Numaralı Sicil (H.1236-1238 / M 1821-1822) cilt: 86, sayfa: 91 Hüküm no: 48 Orijinal metin no: [12a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Simha v. Yoseboviç’in, Sofcu Anton v. Agob ile sulh ve ibrâ olduğu Nemçelü’nün Sofcu ile sulh ve ibrâları Nüshateyn Ma‘rûz[-ı dâ‘î-i devlet-i aliyyeleridir ki] Derûn-ı arzuhâlde mastûrü’l-ism Nemçelü Simha v. Yoseboviç Yahûdi nâm müste’men meclis-i şer‘-i münîrde arzuhâl eden Sofcu Anton v. Agob nâm zimmî muvâcehesinde tercümânı tarafından Kapıoğlanı Rafail zimmî hâzır olduğu hâlde mersûm Anton zimmî zimmetimde bâ-temessük-ı karzdan beş yüz elli guruş hakkımdan bâ-tavassut-ı muslihîn mersûm Anton zimmî ile makbûzum olan nakden yirmi beş guruş ve dört top şalı ve bir top sof üzerine sulh olup ziyâdesine ve bi’l-cümle husûs-ı mezkûra ve işbu târih-i i‘lâma gelince sâir cemî‘ hukūk-ı şer‘iyyeye müte‘allika âmme-i de‘âvî ve kâffe-i mutâlebâtdan ben mersûm Anton zimmînin zimmetini ol dahi yirmi top sof semeninden inkârıma mukārin benden matlûb eylediği iki bin yedi yüz yirmi beş guruş mutâlebesine ve bi’l-cümle husûs-ı mezkûra ve işbu târih-i i‘lâma gelince sâir cemî‘ hukūk-ı şer‘iyyeye müte‘allika âmme-i da‘vâdan benim zimmetimi ibrâ ve iskāt ve tarafeynden her birimiz âharın ibrâsını kabûlle külliyen kat‘-ı münâza‘a eyledik deyü ikrârını mersûm Anton zimmî tasdîk eylediği İstanbul Mahkemesi’nden huzûr [-ı âlîlerine i‘lâm olundu.] Fî 29 Za sene 1236