İstanbul Mahkemesi 137 Numaralı Sicil (H.1236-1238 / M 1821-1822) cilt: 86, sayfa: 93 Hüküm no: 51 Orijinal metin no: [12a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Bogasıcı esnâfından Abdullah Ağa b. Mehmed Said ve ortağı Hasan Ağa b. İsmail’in, Agob v. Kegork ile sulh oldukları Bogasıcı esnâfının sulh dört yüz on beş guruşa Ma‘rûz[-ı dâ‘î-i devlet-i aliyyeleridir ki] Bogasıcı esnâfından arzuhâlde isimleri mezkûr Abdullah Ağa b. Hâfız Mehmed Said ve şerîki el-Hâc Hasan Ağa b. İsmail’den her [biri] meclis-i şer‘de arzuhâl eden Agob v. Kegork zimmî muvâcehesinde mersûm Agob zimmî zimmetinde mâl-ı şirketimizden olmak üzere bundan akdem yedimizden ve mâlımızdan iştirâ ve kabz eylediği doksan beş top [12b] elvân astar semeninden sekiz yüz otuz sekiz guruş hakkımızdan zimmî-i mersûm ile dört yüz on sekiz guruş bedel-i medfû‘ ve makbûza sulh olup ziyâdesine ve bi’l-cümle husûs-ı mezkûra ve işbu târih-i i‘lâma gelince sâir cemî‘ hukūk-ı şer‘iyyeye müte‘allika âmme-i da‘vâdan tarafeynden her birimiz âharın zimmetini ibrâ-i âm ile kabûlü hâvî ibrâ edüp bu vechile kat‘-ı münâza‘a eyledik dediklerini mersûm Agop zimmî tasdîk eylediği İstanbul Mahkemesi’nden huzûr [-ı âlîlerine i‘lâm olundu.] Fî 8 Zilhicce sene 1236