İstanbul Mahkemesi 137 Numaralı Sicil (H.1236-1238 / M 1821-1822) cilt: 86, sayfa: 109 Hüküm no: 71 Orijinal metin no: [16b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Köprülü Mehmed Paşa Vakfı mütevellileri tarafından Enderûn-ı Hümâyûn’a sabun verilmesi Enderûn-ı Hümâyûn’a sabun tevzî‘i Ma‘rûz[-ı dâ‘î-i devlet-i aliyyeleridir ki] Nezâret-i hazret-i Şeyhülislâmîde âsûde evkāfdan Sadr-ı a‘zam-ı esbak merhûm Köprülü Mehmed Paşa Vakfı mütevellîleri mâl-ı vakıfla beher senenin Muharreminde Der-aliyye’de iki bin yüz yetmiş sekiz vakıyye sabun iştirâ ve Enderûn-ı Hümâyûn’da ve kiler-i hâssa ve seferli odaları ağalarına veregeldikleri i‘lâm olunduğu İstanbul mahkemesinin bin iki yüz otuz üç senesi Muharreminin üçüncü günü ile müverrah olan sicilinde mastûr ve mukayyed olup sene-i sâbıkāda dahi bâ-fermân-ı âlî verildiği tahkīk olunduğu huzûr [-ı âlîlerine i‘lâm olundu.] Fî 21 Z sene 1236