İstanbul Mahkemesi 137 Numaralı Sicil (H.1236-1238 / M 1821-1822) cilt: 86, sayfa: 166 Hüküm no: 137 Orijinal metin no: [28a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Seyyid Mehmed Rıza Bey’in, Sarraf Haçador v. Mardiros’a olan borcunu ödemesi gerektiği 4.000 guruşa hüküm Ma‘rûz[-ı dâ‘î-i devlet-i aliyyeleridir ki] Arzuhâl eden Sarraf Haçador v. Mardiros nâm zimmî İstanbul mahkemesinde meclis-i şer‘-i enverde derûn-ı arzuhâlde ismi mezkûr zü‘amâdan es-Seyyid Mehmed Rızâ Bey b. es-Seyyid Mehmed Esad muvâcehesinde işbu yedimde olan bin iki yüz otuz altı senesi Muharremi’l-harâmının on dokuzuncu günü târihiyle müverrah bir kıt‘a temessük mantûkunca mûmâ-ileyh es-Seyyid Mehmed Rızâ Bey zimmetinde cihet-i karz-ı şer‘îden dört bin guruş alacak hakkım olmağla hâlâ taleb ederim deyü eylediği da‘vâsını mûmâ-ileyh Mehmed Rızâ Bey bi-tamâmihâ tâyi‘an ve kat‘iyyen ikrâr u i‘tirâf etmeğin alâ-mûcebi ikrârihi meblağ-ı merkūm dört bin guruşun bi’t-taleb müdde‘î-i mesfûra edâsıyla mûmâ-ileyh es-Seyyid Mehmed Rızâ Bey ilzâm olunduğu huzûr [-ı âlîlerine i‘lâm olundu.] Fî 5 S sene 1237