İstanbul Mahkemesi 137 Numaralı Sicil (H.1236-1238 / M 1821-1822) cilt: 86, sayfa: 227 Hüküm no: 203 Orijinal metin no: [39b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Giridli Mazlum Ağa’nın vârislerinin, Lazoğlu Anton ve Manol aleyhine açtıkları davanın mahallinde görülmesi gerektiği 1.250 guruş da‘vâ mahalline ihâle Ma‘rûz[-ı dâ‘î-i devlet-i aliyyeleridir ki] Sâdır olan fermân-ı âlîlerine imtisâlen işbu arzuhâl ve derkenâra ve merbût olan i‘lâmlara nazar olundukta derûn-ı arzuhâl[de] ismi mezkûr müteveffâ Giridî Mazlum Ağa’nın vârisi olmak üzere mübâşir ta‘yîn ettirip Kemer-i Edremid kazâsında Lazoğlu Anton ve Manol zimmîlerden poliçe olunmak üzere on iki bin beş yüz guruş müteveffâ-i mezbûrun hakkı vardır deyü da‘vâ ve şâhidlerim Âsitâne’dedir deyü mücerred ve da‘vâsına mebnî mesfûr Anton zimmînin ihzârını iltimâs ve ve murâfa‘adan imtinâ‘ ile zimmî-i mesfûru ızrâr eylediği meâl-i arzuhâl ve i‘lâmdan müstebân olan derûn-ı arzuhâlde ismi mezkûr Giridî Ali Ağa fîmâ ba‘d dahi arzuhâlde tahrîr olunduğu ızrâr kasdıyla mübâşir ta‘yîn ettirip mesfûr ile mahallinde münâza‘aya tasaddî eylediği sûretde mahallinde şer‘le murâfa’a olunup fi’l-hakīka müdde‘î-i mezbûrun lede’l-murâfa‘a hakkı olmadığı zâhir olur ise ber-mûceb-i fetvâ-yı şerîfe ücret-i mübâşiriye kendiden lâzım gelmeğin bu sûretde istid‘â olunduğu vechile mütemerrid ve şürûtu derciyle mahallinde şer‘le rü’yet olunmak bâbında kazâ-i merkūm nâib[in]e hitâben fermân-ı âlîleri sudûru muktezâ-yı maslahat idüğü imtisâlen li’l-emri’l-âlî İstanbul Mahkemesi’nden huzûr [-ı âlîlerine i‘lâm olundu.] Fî 24 R sene 1237