İstanbul Mahkemesi 137 Numaralı Sicil (H.1236-1238 / M 1821-1822) cilt: 86, sayfa: 238 Hüküm no: 214 Orijinal metin no: [41b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Seyyid Ahmed Ağa b. Ali’nin bitpazarı kethüdâlığına tayini Bitpazarı kethüdâlığının nevbetine bâ-berât sûret i‘tâsı Ma‘rûz[-ı dâ‘î-i devlet-i aliyyeleridir ki] Mahmiye-i İstanbul’da bitpazarında han ve hânelerinde füruht olan eşyânın ve kethüdâlığına bâ-berât-ı âlîşân mutasarrıf olan sagīr Mehmed ve Mehmed Emin b. Osman bilâ-veled fevt olup kethüdâlık-ı merkūm mahlûl olmağla mahlûlünden erbâb-ı istihkākdan olup her vechile kethüdâlık-ı merkūmu idâreye kādir emin ve mu‘temed ve sûk-ı merkūm ahâlîsinin dahi marzî ve muhtârları olduğu bitbazarı kethüdâsı es-Seyyid Mehmed Ağa b. Mehmed ve Yiğitbaşı es-Seyyid Mehmed Ârif Ağa b. Mehmed ve Oturakçı es-Seyyid Abdullah Ağa b. Mustafa ve es-Seyyid Halil Ağa b. Hasan ve Mustafa Ağa b. Mustafa ve es-Seyyid Ahmed Ağa b. Ali ve Ali Odabaşı b. Ali ve sâir mazbûtü’l-esâmî Müslimîn [42a] bi’l-muvâcehe meclis-i şer‘de haberleriyle zâhir ve mütehakkık olan işbu bâ‘isü’l-i‘lâm es-Seyyid Ahmed Ağa b. Ali dâ‘îlerine kethüdâlık-ı merkūm tevcîh ve yedine berât-ı şerîf-i âlîşân sadaka ve ihsân buyrulmak bâbında fermân-ı âlîleri sudûru recâsına bi’l-iltimâs İstanbul Mahkemesi’nden huzûr [-ı âlîlerine i‘lâm olundu.] Fî 14 Ca sene 1237