Bab Mahkemesi 46 Numaralı Sicil (H. 1096 - 1097 / M. 1685 - 1686) cilt: 19, sayfa: 307 Hüküm no: 328 Orijinal metin no: [50b-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ahmed Çelebi b. Hacı Yusuf’un kölesi İvaz b. Abdullah’ı azat etmesi Mahrûse-i İstanbul’da Molla Zeyrek mahallesinde sâkin Ahmed Çelebi b. el-Hâc Yusuf nâm kimesne meclis-i şerîf-i Ahmedî ve mahfil-i dîn-i münîf-i Muhammedî’de ikrâr ve takrîr-i kelâm edip bana rıkkını mu‘terif olan işbu orta boylu gök ala gözlü açık kaşlı kumral sakallı Rûsiyyü’l-asl râfi‘ü hâze’l-kitâb İvaz b. Abdullah nâm abd-i memlûkümü hasbeten lillâhi te‘âlâ ve taleben li merzâti’r-Rabbi’l-a‘lâ malımdan tahrîr ve i‘tâk ve zümre-i ahrâr-ı asliyyîne idrâc ve ilhâk eyledim ba‘de’l-yevm mevsûf-ı mezbûr İvaz sâir ahrâr-ı asliyyîn gibi hür olmuşdur üzerinde velâdan gayrı alâka ve medhalim kalmadı dedikde gıbbe’t-tasdîki’ş-şer‘î mâ hüve’l-vâki‘ bi’t-taleb ketb olundu. Fi’l-yevmi’s-sâmin ve’l-ışrîn min şehri Recebi’l-ferd li sene seb‘a ve tis‘în ve elf. Şuhûdü’l-hâl: Mehmed Çelebi b. el-Hâc Ahmed, İbrahim Efendi el-Müezzin, Hasan b. Mehmed, Abdurrahman [b.] Mustafa, Ahmed Ağa b. İbrahim, Ali Efendi b. Derviş Yusuf.