İstanbul Mahkemesi 137 Numaralı Sicil (H.1236-1238 / M 1821-1822) cilt: 86, sayfa: 351 Hüküm no: 331 Orijinal metin no: [67b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Anbar-ı âmireden habbâzan esnafına dağıtılacak olan buğdayın cins ve fiyatının belirlenmesi Hınta i‘lâmı Ma‘rûz[-ı dâ‘î-i devlet-i aliyyeleridir ki] Sa‘âdetlü defterdâr efendi bendelerinin işbu telhîsi mûcebince şehr-i Ramazani’l-mübâreğin yirmi sekizinci gününden i‘tibâriyle mîrî anbarları mevcûdundan bâ-fermân-ı âlî habbâzâna tevzî‘ ve i‘tâ olunan otuz bin keyl zahâyirin on beş bin keyli Akdeniz ve yedi bin beş yüz keyli Rusya hıntaları olup beher keyli yüz altmış ikişer paraya ve yedi bin beş yüz keyli kokoroz olup beher keyli yüz ellişer paraya olmağla zahâyir-i mezkûrenin ecnâs ve fiyatı minvâl-i muharrer üzere idüğü ihbâr olunduğu imtisâlen li’l-emri’l-âlî huzûr-ı âlîlerine i‘lâm olundu. Fî 7 L sene [1]237