İstanbul Mahkemesi 147 Numaralı Sicil (H. 1241-1242 / M. 1826) cilt: 89, sayfa: 97 Hüküm no: 61 Orijinal metin no: [21b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Terkin edilmiş eksik kayıt (Sehv vâkı‘ olmağla hizb olunmuşdur) Ma‘rûz << Âsitâne-i aliyyede vâkı‘ kaşıkçı ve tarakçı ve hilâlcı esnâfından Sultân Bâyezidli el-Hâc Mustafa Efendi ve Mehmed Şâkir Efendi ve es-Seyyid Ahmed Ağa ve Mahmud Paşalı el-Hâc Mahmud Efendi ve el-Hâc Ali Ağa ve Mustafa Ağa ve İsmail Efendi ve Ali Ağa ve Mehmed Ağa ve sâirleri meclis-i şer‘-i şerîf-i enverde Kaşıkçıbaşı el-Hâc İbrahim Efendi tarafından mürsel Kaşıkçı es-Seyyid Davud Ağa hâzır olduğu hâlde esnâf-ı merkūme kudemâsından bâ‘isü’l-vesîka Sultan Bâyezidli Halil Ağa b. Ahmed mahzarında ikrâr-ı tâm ve takrîr-i kelâm edip kethüdâmız el-Hâc Mustafa bu def‘a bâ-emr-i âlî nefy ve iclâ olunduğundan yerine bir kethüdâ nasbı lâzım ve mühim olmağın kudemâmızdan olup örf ve âdetimize vâkıf ve şurût-ı nizâmımızı ârif ve her vechile umûrumuz kethüdâlığı[nı] edâya kādir ve cümlemizin rızâ ve muhtârımız olan merkūm Halil Ağa esnâfımıza kethüdâ nasb ve ta‘yîn olunmak matlûbumuzdur deyu istid‘â eylediklerinde hâkim-i muvâkkı‘…>> [Hüküm burada noksan olarak bırakılmıştır. ]