İstanbul Mahkemesi 147 Numaralı Sicil (H. 1241-1242 / M. 1826) cilt: 89, sayfa: 110 Hüküm no: 78 Orijinal metin no: [25a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Nahılcı Mustafa isimli eşkıyalık yapan yeniçeriyi evinde saklayan Revnak bt. Abdullah’ın mahalleden ihracı Mahalleden ihrâc Ma‘rûz İstanbul’da Kadırga Limanı kurbünde Nahılbend civârında vâkı‘ Kâtib Sinan mahallesi imâmı Osman Efendi ve ahâlîsinden Mustafa Ağa ve Osman Ağa ve İsmail Efendi ve Hasan Ağa ve Mehmed Ağa ve Ahmed Ağa ve İbrahim Edhem Ağa ve Hasan Ağa ve Salih Ağa ve Said Ağa ve Ahmed Efendi ve sâirleri meclis-i şer‘-i münîrde mahalle-i mezbûre sâkinlerinden Demir Ayakzâde Mehmed Emin Efendi ümm-i veledi Revnak bt. Abdullah muvâcehesinde bi-avnihî sübhânehû ve Teâlâ muktezâ-yı şer‘-i âlî ve irâde-i isâbet-âde-i hazret-i cihândârî üzere i‘dâm olunan havene-i yeniçeriyânın menba‘-ı fesâd ve mel‘anetleri olduğundan seyf-i şerî‘at-i mutahhara ile tedmîr ve sâye-i adâlet-vâye-i hazret-i hilâfet-penâhîde mahallemiz[den] tathîr olunmuş olan Nahılcı Mustafa nâm şakī mezbûre Revnak’ın menzilinde bulunup bu sûretde mezbûre Revnak şakī-i merkūmun hâline muttali‘a iken ketm ve ihfâ eylediğine binâen emniyetimiz meslûb olmuşdur deyu iştikâ ve mahalle-i mezbûreden ihrâc olunmasını istid‘â eylediklerinde ol-dahi târih-i i‘lâmdan üç güne dek mahalle-i mezbûreden çıkıp âhar mahalleye nakle ta‘ahhüd eylediği İstanbul Mahkemesi’nden huzûr. Fî 2 Z sene [1]241