İstanbul Mahkemesi 147 Numaralı Sicil (H. 1241-1242 / M. 1826) cilt: 89, sayfa: 118 Hüküm no: 86 Orijinal metin no: [27a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. es-Seyyid Mustafa Bey b. Cafer’in oğlunun, babasının Nikola v. Yani’deki alacağını erteleyip taksitlendirdiği Ma‘rûz Derûn-ı arzuhâlde ismi mezkûr es-Seyyid Mustafa Bey b. Cafer’in sulbî kebîr oğlu ve tarafından husûs-ı âtîde vekîli olduğu Koltukçu Mehmed Ağa b. Osman ve Tesbîhçi Mehmed Şakir Ağa b. Mustafa nâm kimesneler şehâdetleriyle sâbit olan es-Seyyid Mehmed Ağa meclis-i şer‘-i münîrde sâhib-i arzuhâl Nikola v. Yani zimmî muvâcehesinde mersûm Nikola zimmî zimmetinde ber-mantûk-ı derkenâr cihet-i deyn-i şer‘îden babam müvekkilim mezbûrun bâ-i‘lâm-ı mahkûmun-bih alacak hakkı olan altı yüz guruşu hâlen mersûmun edâya kudreti olmadığından ber-vech-i âtî te’cîle tâlib olduğunda ben dahi meblağ-ı mezkûru bin iki yüz kırk iki senesi Muharremü’l-harâmı gurresinden beher şehr on beşer guruş verip mecmû‘unu târih-i mezkûrdan kırk ay hitâmına değin tamâmen edâ etmek üzere bi’l-vekâle mersûm Nikola zimmîyi te’cîl ve taksît eylediğimde ol-dahi ecel-i mezkûru kabûl ve meblağ-ı müeccelün-bih-i mezkûru vech-i meşrûh üzere müeccelen ve mukassatan dâyini babam müvekkil-i merkūm için bana edâ ve îfâya ta‘ahhüd eyledi deyu takrîrini mesfûr Nikola zimmî tasdîk eylediği İstanbul Mahkemesi’nden huzûr. Fî 21 Zilhicce sene [12]41