İstanbul Mahkemesi 148 Numaralı Sicil (H. 1241-1242 / M. 1826-1827) cilt: 90, sayfa: 62 Hüküm no: 10 Orijinal metin no: [2b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hacı Hamza Camii tevliyetinin, Ahmed b. Halife b Ali’nin ölümü ile oğlu İbrahim Edhem’e tevcih edildiği Ma‘rûz Ber-mantûk-ı kayd Hacıoğlu Pazarı’nda vâki‘ Hacı Hamza Câmi‘-i şerîfinin vazîfe-i mu‘ayyene ile bâ-berât-ı âlî-şân tevliyetine mutasarrıf olan es-Seyyid Ahmed Halîfe b. es-Seyyid Ali’nin fevtinden bahisle tevliyet-i mezbûre kendüye tevcîh buyurulmasını müteveffâ-yı merkūmun oğlu sahib-i arzuhâl es-Seyyid İbrahim Edhem istid‘â ve fi’l-hakīka sahib-i arzuhâl müteveffâ-yı merkūmun oğlu ve muhtâr-ı ahâlî olduğunu ahâlîsinden ve talebe-i ulûmdan Îsâ Efendi b. Ömer ve Ahmed Efendi b. Mustafa alâ-tarîkı’ş-şehâde ihbâr ve inbâ etmeleriyle tevliyet-i merkūme müteveffâ-yı merkūm es-Seyyid Ahmed Halîfe’nin mahlûlunden oğlu merkūm es-Seyyid İbrahim Edhem Halîfe’ye tevcîh ve yedine berat-ı şerîf-i âlî-şân sadaka ve ihsân buyurulmak husûsu sâdır olan fermân-ı âlîlerine imtisâlen huzûr. Fî 14 M sene [1]242