İstanbul Mahkemesi 148 Numaralı Sicil (H. 1241-1242 / M. 1826-1827) cilt: 90, sayfa: 123 Hüküm no: 75 Orijinal metin no: [15b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Rumeli’den gelen 30100 baş koyunun dağıtımı 30100 re’s Rumeli ağnamı tevzî‘i Âsitâne-i aliyyede sâkin ibâdullâhın akvât-ı yevmiyeleri’çün işbu sene-i mütemeyyenede Eflak cânibinden otuz bin yüz re’s ağnam celb eden celeb tâifesinden Vital ve Atamve İsteryo ve Dimo ve Küçük Dimo ve Nikola ve Dimitri ve Zotri ve Koşa ve Küçük İsteryo ve Dimitri ve Nikola ve diğer Dimitri ve Anaştaş ve Seyalı ve Dimitri ve Kiryako ve diğer Dimitri ve Kılo ve Salih Ağa ve Çerni ve Vasil ve Kara Ponço nâm zimmîler meclis-i şer‘-i münîrde dergâh-ı âlî kapıcıbaşılarından hâlâ ser-kassâbân-ı hâssa izzetlü el-Hâc Mustafa Ağa tarafından mürsel kassâbân kethudâsı el-Hâc Hasan Ağa ve bi’l-cümle kasab ustaları muvâcehelerinde takrîr-i kelâm edip ber-vech-i bâlâ sevk ve tesyîr eylediğimiz cem‘an otuz bin yüz re’s ağnamın narh-ı cârîsi üzre beher vakıyye lühûmunu yirmi yedişer paraya vermek ve sakatları’çün nesne mutâlebe etmemek üzre ta‘ahhüd eylediğimizde esnâf-ı merkūme dahi kabûl ve ber-mu‘tâd Perşembe ve Cum‘a günlerini ta‘tîl edip haftada beş gün Rumeli ve beş gün dahi Anadolu ağnamı tevzî‘ ederek yevm-i tevzî‘den elli bir gün mürûrunda yaftalarımızı ve doksan gün tamamında dahi lâzım gelen semenlerini bize edâya ta‘ahhüd ve beher vakıyye lahm-ı ganemi üçer para fâide zammıyla otuz paraya ibâdullâha bey‘a ta‘ahhüd eylediler deyü takrîrlerini esnâf-ı merkūme tasdîk eyledikleri İstanbul Mahkemesi’nden huzûr. Fî-selh-i S sene 1242