İstanbul Mahkemesi 148 Numaralı Sicil (H. 1241-1242 / M. 1826-1827) cilt: 90, sayfa: 142 Hüküm no: 90 Orijinal metin no: [19b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Bakkal esnafının, Panayot v. Sava ve Yorgi v. Yani’nin arpa satmasına engel olmayacağına taahhüdleri İki nefer zimmîlerin Samatya’da Yokuşbaşı’nda dükkânda arpa bey‘ etmelerine mümâna‘at etmemeğe bakkāl esnâfı ta‘ahhüd İhrâc-şüd fî 16 R sene [1]252 Ma‘rûz Âsitâne-i aliyyede vâki‘ bakkālân pazarbaşısı Süleyman Ağa ve bölükbaşısı Abdi Çelebi ve bi’l-cümle nizâm ustaları lisânen şeref-bahş-ı sahîfe-i sudûr olan fermân-ı âlem-mutâ‘larına imtisâlen Çarşamba günü Arz Odası’nda huzûr-ı sâtı‘u’n-nûr-ı vekâlet-penâhîlerinde ma‘kūd meclis-i şer‘-i vâcibü’ş-şerîfde Panayot v. Sava <> ve şerîki Yorgi v. Yani zimmîler muvâcehelerinde zimmiyân-ı mersûmân bakkāl tâifesinden değil iken İstanbul’da Samatya kurbünde Yokuşbaşı nâm mahâlde kâin dükkânda arpa bey‘ edip ancak yedimizde olan emr-i âlîde arpa bakkāl metâ‘ı olmak üzre mezkûr olduğundan mersûmânın arpa bey‘inden men‘ olunmalarını istid‘â etmişdik lâkin mersûmânın mahâll-i mezkûrda arpa bey‘leri kadîm olup muhdes ve muhtekir makūlesinden <> olmamalarıyla sünûh eden emr u irâde-i hazret-i sadâret-penâhîleri üzre kemâ-kân mahâll-i mezkûrda si‘r-i râyicîler arpa bey‘lerine kat‘â mümâna‘at etmemeğe ta‘ahhüd eyledik deyü takrîrleri İstanbul Mahkemesi’nde <> tescîl olunduğu huzûr. Fî 13 Ra sene [12]42