İstanbul Mahkemesi 148 Numaralı Sicil (H. 1241-1242 / M. 1826-1827) cilt: 90, sayfa: 339 Hüküm no: 285 Orijinal metin no: [55b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Sabun Nazırı Mehmed Ağa b. Mustafa’nın, Giridî Ali Ağa b. İbrahim’e sabun bedeli olarak 1215 guruşu ödediği Sabun semeninden 1215 guruşu ahz ve ibrâ Ma‘rûz Sahib-i arzuhâl sabun tüccârından Giridî Ali Ağa b. İbrahim meclis-i şer‘-i münîrde hâlâ Sabun Nâzırı Mehmed Ağa b. Mustafa muvâcehesinde ben bundan akdem âhara bey‘ için Midilli cezîresinden mezbûr Mehmed Ağa’ya irsâl eylediğim bin yedi kantar sabunu kabz ve âhara bey‘ ve esmânını dahi ceste ceste bana edâ ederek zimmetinde ancak bin iki yüz on beş guruş kalmışdı el-hâletü hâzihî merkūm Mehmed Ağa meblağ-ı bâkī-i merkūm bin iki yüz on beş guruşu dahi bana edâ edip fîmâ-ba‘d zimmetinde bir akçe ve bir habbe hakkım kalmamağla bi’l-cümle husûs-ı mezkûra ve sâir cemî‘ hukūk-ı şer‘iyeye müte‘allika âmme-i da‘vâdan tarafeynden her birimiz âharın zimmetini kabûlü hâvî ibrâ ve ıskāt eyledik deyü ikrâr ve tasdîkleri İstanbul Mahkemesi’nden huzûr. Fî-gurreti Ş sene 1242