İstanbul Mahkemesi 148 Numaralı Sicil (H. 1241-1242 / M. 1826-1827) cilt: 90, sayfa: 402 Hüküm no: 348 Orijinal metin no: [66b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Tarsus’da vefat eden Tarsusî Hasan İlmî Efendi’nin vereselerinin olduğu Tarsûsî Hasan İlmî Efendi Tarsûs’da vefât edip vereseleri olduğu ihbâr Ma‘rûz Sâdır olan fermân-ı âlîlerine imtisâlen Âsitâne-i aliyye mahallâtından Mi‘mâr Sinan mahallesi imâmı Hâfız Ahmed Efendi meclis-i şer‘a celb ve istintâk olundukda fi’l-hakīka hazır bi’l-meclis sahib-i arzuhâl es-Seyyid Mehmed Efendi ile hemşîreleri Şerife Emine ve Şerife Âişe’nin vâlideleri İstanbul kādısı esbak Hamdullah Bey merhûmun mu‘tekası Habibe Hatun olup ve pederleri Tarsûsiyyü’l-asl Hasan İlmî Efendi nâm kimesne çend sâl mukaddem Tarsus niyâbetini tahsîl ile ol tarafa azîmet ve medîne-i mezkûrede rıhlet etmekle ol tarafda olan terekesini vâzı‘u’l-yed olanlardan ahza ve kabza bu tarafda olan verese-i merkūme medîne-i mezbûreye azîmet edip ol vechile merkūmûn Âsitâne-i aliyye ahâlîsinden olduklarını ve hâlâ sâlifü’z-zikr Mi‘mâr Sinan mahallesinde hâneleri olduğunu imâm-ı mûmâ-ileyh haber verdiği ma‘lûm-ı devletleri oldukda bâkī emr u fermân hazret-i veliyyü’l-emrindir. Fî 15 Şevval sene 1242