İstanbul Mahkemesi 148 Numaralı Sicil (H. 1241-1242 / M. 1826-1827) cilt: 90, sayfa: 410 Hüküm no: 357 Orijinal metin no: [68a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hristo v. Panayot’un kasab gediği hissesinin evladına intikal ettiği Evlâdına kasab gediği intikāli Ma‘rûz Hudâvendigâr-ı esbak cennet-mekân Sultân Abdülhamid Han -tâbe serâhu- hazretleri evkāf-ı şerîfelerinden Yedikule hâricinde vâki‘ gayrı-ez selhhâne-i mîrî on aded ganem selhhânelerinden dokuzuncu selhhâneye merbût İstanbul’da Kumkapı dâhilinde aşçı dükkânı ittisâlinde kâin bir bâb kasab dükkânı gediğinin nısfına bâ-temessük mutasarrıf olan Hristo v. Panayot zimmî hâlik olup nısf hisse-i mezkûre sulbî kebîr oğlu Yani zimmîye kable’l-intikāl mesfûr Yani zimmî dahi hâlik olup nısf hisse-i mezkûre sulbî kebîr oğulları Nikola ve Kosta zimmîler ve sulbiye kebîre kızları Eleniko Piraşe nâm Nâsrâniyelere âdiyen intikāl eylediğinden bahisle nısf hisse-i mezkûre defter-i vakf-ı şerîfde mesfûrûnun uhdelerine kayd ile yedlerine başka başka cedîd temessük i‘tâsını istid‘â ve hâl minvâl-i meşrûh üzre olduğunu kasablar kethudâsı el-Hâc Hasan Ağa ve kasab ustaları ihbâr ve inhâ etmeleriyle bu sûretde ber-vech-i istid‘â kayd ile temessük i‘tâsı iktizâ eylediği İstanbul Mahkemesi’nden huzûr-ı âlîlerine i‘lâm olundu. Fî 27 Şa‘bân sene 1242