İstanbul Mahkemesi 148 Numaralı Sicil (H. 1241-1242 / M. 1826-1827) cilt: 90, sayfa: 435 Hüküm no: 382 Orijinal metin no: [72b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mehmed Emin Ağa ve kardeşi Numan Ağa b. Abdülkerim’in, Mehmed Emin Ağa b. Halil ile 700 guruşa sulh olduğu 700 guruşa sulh Ma‘rûz Derûn-ı arzuhâlde isimleri mezkûr Mehmed Emin Ağa ve karındaşı Nu‘man Ağa b. Abdülkerim nâm kimesneler meclis-i şer‘-i münîrde revgan-ı zeyt tüccârından sahib-i arzuhâl diğer Mehmed Emin Ağa b. Halil muvâcehesinde mezbûr diğer Mehmed Emin Ağa zimmetinde iştirâken cihet-i karzdan bâ-temessük alacağımız olan bin sekiz yüz guruşu hâlâ taleb ederi<>z deyü tesâddî eylediğimiz da‘vâmızdan mezbûr ile bi’t-tav‘ ve’r-rızâ yedi yüz guruş <<üzerine>> bedel-i medfû‘ ve makbûza sulh olduğumuzda ol dahi sulh-ı mezkûru kabûl etmekle ziyâdesine ve bi’l-cümle husûs-ı mezkûra ve sâir cemî‘ hukūk-ı şer‘iyeye müte‘allika âmme-i da‘vâdan tarafeynden her birimiz âharın zimmetini kabûlü hâvî ibrâ ve ıskāt eyledik deyü ikrâr ve tasdîkleri İstanbul Mahkemesi’nden huzûr-ı âlîlerine i‘lâm olundu. Fî 19 min-L sene 1242