İstanbul Mahkemesi 148 Numaralı Sicil (H. 1241-1242 / M. 1826-1827) cilt: 90, sayfa: 529 Hüküm no: 479 Orijinal metin no: [90a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kurban Bayramı’nda cami ve mescit minarelerindeki kandillerin yakılmasına dair emr-i âlî Bâ-sahh İstanbul Kādısı Fazîletlü Efendi İşbu şehr-i Zilhicceti’ş-şerîfenin gurresi Pazartesi gününden sübûtuna binâen şehr-i mezkûrun dokuzuncu Salı günü yevm-i arefe ve ferdâsı Çarşamba günü îyd-i adhâ olmak iktizâ eylediğini mübeyyen takdîm olunan i‘lâmınız huzûr-ı âtıfet gencûr-ı hazret-i tâc-dârîye arz ve takdîm olunmuş ve inhânız vechile îyd-i şerîf gecesi îkād-ı kanâdîl olunmak için ber-mu‘tâd selâtîn-i ızâm cevâmi‘-i şerîfesi kayyûmbaşılarına tenbîh olunması husûsuna irâde-i seniyye-i şâhâne ta‘allukuyla ol bâbda hatt-ı şerîf-i cihân-bânî sudûr olmuş olmağla ber-mûcib-i irâde-i seniyye leyle-i mezkûrede minârât-ı cevâmi‘ ve mesâcidde îkād-ı kanâdîl olunmasını kayyûmbaşılara tenbîhe mübâderet eyleyesin deyü. Fî 4 Z sene [1]242 [93a] Temme’l-kelâm bi-avni’llâhi’l-meliki’l-allâm Abdurrahman [1]231