İstanbul Mahkemesi 154 Numaralı Sicil (H. 1237-1246 / M. 1822- 1831) cilt: 88, sayfa: 159 Hüküm no: 38 Orijinal metin no: [23b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Eskiden olduğu gibi yük taşıyan eşek ve atların Cuma günü çalıştırılmaması Bâ-sah. İstanbul kādısı fazîletlü efendi. At hamalların Cum‘a günü işleme men‘i. Dersa‘âdet’de olan iskelelerde hatab ve kömür ve kereste ve kireç ve zahîre ve ahcâr ve levâzım-ı sâirenin nakliçin i‘mâl olunan bârgir ve taşçı merkebleri beher gün tulû‘-ı şemsden vakt-i asra değin i‘mâl olunmak ve Cum‘a günlerinde dahi külliyen ta‘tîl kılınmak ve cümlelerini mahallerine götürüp avdetlerinde bin[me]mek için semerleri üzerine yarım ve kısa demirden mismâr vaz‘ı ötedenberü mer‘î ve cârî olan nizâmlarından iken bir müddetden beri ba‘zıları âdetlerini terk etmiş ve vakt-i asırdan sonra dahi ba‘zı zehâyir ve sipârişi tahmîl eylemiş oldukları meşhûd ve ihbâr olunmuş olmağla imdi fîmâ ba‘d nizâm-ı sâbıkāları vechile tulû‘-ı şemsden mukaddem ve vakt-i asırdan sonra bârgir ve merkeblerine hatab ve kereste vesâir hiçbir nesne tahmîl etmeyerek ve yevm-i Cum‘a’da külliyyen ta‘tîl eylemek ve avdetinde râkib olmamak için mu‘tâd olunan demiri çıkarmamak üzere iktizâ edenlere tarafınızdan tenbîh ve tekîde mübâderet ve siz dahi ale’d-devâm nezâret eyleyesin deyü. Fî 10 Za sene 1239.