İstanbul Mahkemesi 154 Numaralı Sicil (H. 1237-1246 / M. 1822- 1831) cilt: 88, sayfa: 185 Hüküm no: 68 Orijinal metin no: [28b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kurbanda kesilecek hayvanların sakatat ve artıklarının sokak aralarına bırakılmaması ve bayram dolayısıyla kadınların çarşı pazarda gezmemeleri Bâ-sahh. İstanbul kādısı fazîletlü efendi. Îd-i adhâ fermânı. İşbu Îd-i adhâ-yı meserret-fermâda zebh olunacak karâbînin baş ve ayak ve ciğer ve fazalâtları miyân-ı esvâk ve köşe ve bucaklara ilkā ile râyiha-i kerîhe hudûsuna sebeb ve illet olanların ve bâ-fermân-ı âlî memnû‘âtdan olan nisvân tâifesinin esvâk ve pazar ve mahallât aralarında geşt ü güzârlarının men‘ ve def‘i mühim ve muktezî olmağla imdi mahallât imâmlarını meclis-i şer‘a da‘vet ve işbu şer‘-i şerîfin ibtidâsı gününden hitâmına dek nisâ tâifesi esvâk ve pazar ve mahallâtda geşt ü güzâr etmeyip büyûtunda karâr ettirilmesi ve kurbânların baş ve ayak ve ciğer ve fazalâtı miyân-ı esvâk ve pazar ve köşe ve bucaklara ilkā olunmaması husûslarını tenbîh ve tekîde mübâderet ve her kim fermân-ı âlîye mugāyir hareketde bulunur ise gereği tedîb olunacakları muhakkak idiği her bir imâmâ başka başka mahalle ahâlîsine tefhîm ve ifâdeye mübâderet eylemeniziçin cümlesine mazmûn-ı fermân-ı âlîyi i‘lâm ve işâ‘at eyleyesin deyü. Fî 9 Z sene [1]240.