İstanbul Mahkemesi 154 Numaralı Sicil (H. 1237-1246 / M. 1822- 1831) cilt: 88, sayfa: 358 Hüküm no: 179 Orijinal metin no: [65a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kışın hayvan azlığı nedeniyle artırılan koyun eti fiyatlarının baharın gelmesiyle eski seviyesine indirilmesi Lahm-ı ganem fürûhtuna dâir Bâ-sahh-ı âlî İstanbul kādısı fazîletli efendi Kasab esnâfının ibâdullâha bey‘ ve fürûht etmekde oldukları lahm-ı ganemin beher vakıyyesinin narh-ı kadîmi otuz para iken güzerân eden mevsim-i şitâda külliyetli ağnâm telefiyle lahmın kılletine mebnî on iki para zammıyla beher vakıyyesinin kırk beş parasına satılmasına müsâ‘ade kılınmış ise de el-hâletü hâzihî rûz-ı hızır hulûl ve lahm-ı ganemin kesret ve vefret üzere bulunacak mevsimleri duhûl etmiş olduğundan fîmâ-ba‘d müsâ‘ade-i mezkûrenin birazı tenzîl ile gerek ibâdullâha ve gerek esnâf-ı merkūmeye zarâr olmayacak vechile tesviye ve ta‘dîl olunması lâzım gelmiş ve ber-vech-i müsâ‘ade zam olunmuş olan on ikişer paranın evvel be-evvel yedişer parasının ve bundan sonraca beş parasının dahi tenzîliyle fiyat-ı kadîmesini buldurmak üzere ta‘dîl ve tesviyesi tensîb kılınmış olduğundan sâlifü’z-zikr on iki para zammın şimdilik yedi parası tenzîl ile lahm-ı ganemin beher vakıyyesi ber-mûceb-i müsâ‘ade otuz sekiz paraya satılması irâde olunarak keyfiyet iktizâ edenlere beyâz üzerine başka başka fermân-ı âlî ısdârı ile tenbîh kılınmış olmağla siz dahi iktizâ edenleri nezdinize celb ile keyfiyeti beyân ve tefhîme mübâderet ve bundan böyle müsâ‘ade-i mezkûreden bir akçe ziyâdeye lahm-ı ganemin alınıp satılmaması zâbıtasını istihsâle dikkat eyleyesin deyü Fî 22 min-L sene 1243