İstanbul Mahkemesi 156 Numaralı Sicil (H. 1246-1247 / M. 1831-1832) cilt: 92, sayfa: 111 Hüküm no: 73 Orijinal metin no: [14a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Abraham v. Mayil’in uhdesindeki gedik hisselerini Bakkal Menet’e sattığı Bakkāl İşbu sebt-i hâmiş olunan hüccetde ismi mastûr Abraham v. Mail nâm zimmî meclis-i şer‘-i hatîrde kezâlik hüccetde mastûrü’l-ism Bakkāl Menet v. Hıristo nâm zimmî muvâcehesinde ikrâr-ı tâm ve takrîr-i kelâm edip ber-mantûk-ı hüccet gedik-i mezkûrdan ben ber-minvâl-i muharrer mâlik olduğum nısf hisse-i şâyi‘amı tarafeynden bi’l-îcâb ve’l-kabûl bâtten ve sahîhan iki bin guruş semen-i medfû‘ ve makbûza bey‘ ü temlîk ve teslîm eylediğimde ol dahi ber-minvâl-i muharrer iştirâ ve temellük ve tesellüm ve kabz ve kabûl edip mebî‘-i mezkûrun tağrîr ve gabnine müte‘allika âmme-i da‘vâdan tarafeynden her birimiz âharın zimmetini kabûlü hâvî ibrâ ve iskāt eyledik fî-mâ ba‘d hisse-i mezkûrede benim aslâ ve kat‘â alâka ve medhalim kalmayıp mecmû‘u müşteri-i mersûm Menet zimmînin mülk-i müşterâsı ve hakk-ı sırfı olmuşdur dedikde gıbbe[‘t-tasdîki’ş-şer‘î mâ-vaka‘a bi’t-taleb ketb olundu] Fî 12 Za sene 1246 Şuhûdü’l-hâl: Pazarbaşı Süleyman Ağa, Bölükbaşı Abdi Çelebi. Yazıcı Filibos, Kabzımâl Dimitri, Ustabaşı İsak