İstanbul Mahkemesi 156 Numaralı Sicil (H. 1246-1247 / M. 1831-1832) cilt: 92, sayfa: 352 Hüküm no: 331 Orijinal metin no: [64a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Firar eden Bakkal Boyacıoğlu Anaştaş’ın dükkânında mevcut olup satılarak bedelinin Çakıroğlu Todori’ye emanet verilen eşyaların listesi İstanbul’da Gedikpaşa kurbünde kasab dükkânı karşısında köşede kâin Ahmed Efendi dükkânı denmekle arîf bir bâb bakkāl dükkânında müşâhereten müstecir ve derûnunda mevcûde beyne’l-esnâf gedik ta‘bîr olunur iki kantar ve bir balanse? ve üç pirinç terâzî ve üç kıyye ve bir kıyyelik yağ tenekesi ve iki destgâh fıçısı ve bir dirhem tablası ve sekiz sitil? ve bir bal …? ve bir çekmece ve bir tencere ma‘a kapak ve bir tâbe ve iki sahan ma‘a kapak ve bir leğen ve iki ibriğin yüz yirmi sehm i‘tibârıyla altmış sehmine mâlik olan Boyacıoğlu Anaştaş v. Vasil nâm zimmî medyûnen dükkân-ı mezkûru mukaffelen terk ve ta‘sîl (ta‘dîl) birle diyâr-ı âhara firâr ve gaybet-i münkatı‘a ile gāib ve mefkūd olmağla dükkân-ı mezkûrun ma‘rifet-i şer‘le feth ü küşâd ve derûnunda mevcûde mütesâri‘ü’l-fesâd olan eşyâsı tahrîr ve semen-i misilleriyle âhara bey‘ ve esmânı mefkūd-ı mersûmun hâli mütebeyyin oluncaya değin yed-i emîne vaz‘ olunmasını âlât-ı lâzıme-i muharrere-i mezkûrenin ber-i‘tibâr-ı merkūm mâ‘adâ altmış sehmine mâlik olan Ahmed Efendi b. Ali nâm kimesne bâ-arzuhâl ve esnâf-ı merkūme Pazarbaşısı Süleyman Ağa ve Bölükbaşı Abdi Çelebi ile nizâm ustalarından mazbûtü’l-esâmî re‘âyâlar kıbel-i şer‘den ber-mûceb-i şürût-ı nizâm istid‘â ve iltimâs etmeleriyle ol bâbda sâdır olan fermân-ı âlîlerine imtisâlen cânib-i şer‘-i kaviyyü’l-esâsdan me’zûnen irsâl olunan Kâtib es-Seyyid Hüseyin Rıza Efendi ve ma‘an meb‘ûs ümenâ-i şer‘den Çukadâr es-Seyyid Mehmed Emin Ağa b. es-Seyyid İbrahim ve Muhzır Molla Mehmed b. Musa ile dükkân-ı mezkûra varıp esnâf-ı merkūmûn hâzır oldukları hâlde kuflünü feth ü küşâd ve derûnunda zuhûr edip âlât-ı lâzıme-i muharrere-i mezkûrenin şehriye kırk bir buçuk guruşa istîcârına tâlib olan Çakıroğlu Todori v. Tagokodos zimmîye ba‘de’l-vezn ve’l-fiât zehâir-i mütenevvi‘anın defteridir ki ber-vech-i âtî zikr olunur. Fî 7 Ca sene 1247 Dakīk-i hâs 107 kıyye, fî 38 4066 para Pirinç 778,5 kıyye, fî 45 35032 para Revgan-ı zeyt 100 kıyye, fî 96 9300 para Revgan-ı çerviş 32 kıyye, fî 140 4480 para Mum 4 kıyye, fî 156 624 para Mum yağı 10 kıyye, fî 80 800 para Zeytin 30 kıyye, fî 40 1200 para Tuz 110 kıyye, fî 9 990 para Bakla 70 kıyye, fî 10 700 para Böğrülce 16 kıyye, fî 24 384 para Mercimek 46 kıyye, fî 16 836 para Nohud 10 kıyye, fî 22 220 para Kuru üzüm 12 kıyye, fî 15 180 para Fasulye 9 kıyye, fî 28 252 para Fındık 6 kıyye, fî 40 240 para Sarımsak 1 kıyye, fî 20 20 para Sirke 10 kıyye, fî 10 100 para Nardenk 9 kıyye, fî 24 225 para Sardalye 1500 aded, fî 1 1500 para Fülfül 1 kıyye, fî 75 75 para Harrub 10 kıyye, fî 4 40 para Sicim 2 deste, fî 24 48 para Hasır süpürgesi 30 aded, fî 33 990 para Çalı süpürgesi 100 aded, fî 4 400 para Bardak 63 aded, fî 7 441 para Kazevî 30 aded, fî 20 600 para Şem‘a? 55 dirhem, fî 55 55 para Kebîr kilid 1 aded 320 para Mahlût enser 16 kıyye 1400 para Tahta sandık 3 aded 800 para Bir mikdâr hurdavât 1600 para #&# Yekûn: 65818 guruş Guruş Para 1645 18 Yalnız bin altı yüz kırk beş guruş on sekiz paradır 57 5 Harc-ı defter ve kaydiyye ve masârıfât-ı sâire 1588 13 Sahhu’l-bâkī: 1588 guruş, 13 para. Yalnız bin beş yüz seksen sekiz guruş on üç paradır. Sahhu’l-bâkī-i merkūm bin beş yüz seksen sekiz guruş on üç para ile iki aded zimemât defterini beyne’n-Nasârâ sadâkatkâr idiği bi’l-ihbâr zâhir olup kıbel-i şer‘den kayyım nasb olunan müstecir-i mesfûr Çakıroğlu Todori zimmî bi’l-vesâye ahz u kabz ve meblağ-ı bâkī-i merkūmu bilâ-zarûretin umûruna sarfla istihlâk edip zimmetinde gāib-i mersûma damânen deyni olduğunu huzûr-ı şer‘de kat‘iyyen ikrâr u i‘tirâf eyledikden sonra meblağ-ı bâkī-i mezkûr bin beş yüz seksen sekiz guruş on üç paraya kayyım-ı mersûm Todori zimmînin emriyle esnâf-ı merkūmeden Sarafim v. Yuvan ve Marko v. Yuvan ve Yorgi v. Nikola ve Marat v. Dimitri ve Toma v. Lefter ve Sava v. Tagokodos ve Yani v. Bratamos ve Bratamos v. Atam nâm zimmîlerden her biri başka başka kefâlet-i sahîha-i şer‘iyye ile kefîl ve dâmin olduklarında tashîhan li’l-kefâleti kıbel-i şer‘den kayyım nasb olunan Pazarbaşı Süleyman Ağa b. Ömer dahi kefâlet-i mezkûrelerini kabûl eylediği işbu mahalle şerh verildi.